Arrangør:nationaltheatret.no

Av Jon Fosse. Omarbeidd av Hildegun Riise. Regi Hildegun Riise.

Anne Marit Jacobsens nye monologframsyning. Denne gongen med Jon Fosses kritikarroste roman, Morgon og kveld

I magen hennar Marta har han fått både fingrar, tær og andlet, auge og hjerne, og no skal han så, medan mora skrik og har ilt, komme ut i denne kalde verd og så skal han vere åleine der.

Jon Fosses kritikarroste roman Morgon og kveld handlar om Johannes. Om fødselen hans, livet og døden – eit streif av korleis det er å vere eit enkelt menneske på jorda. Vi trer inn i verda til Johannes som han sjølv gjorde det, gjennom fødselen og den første augeblinken han er lausriven frå mora. I inngangen til livet – morgon – og utgang – kveld – møter vi opplevingar og refleksjonar eit menneske har rundt livet og døden. For dette er ei framsyning om dei store universelle temaa, om tru, tvil, vennskap, einsemd, lengsel, redsel og kjærleik.

Skodespelar Anne Marit Jacobsen har ein stor kjærleik til Jon Fosses litteratur – og det er denne kjærleiken som no får romanen til scena. Regien er ved Fosses sambygding Hildegun Riise. Jacobsen og Riise nærmar seg det poetiske landskapet til Fosse i dialog med nykomponert musikk av felespelar Benedicte Maurseth.

Spilles også: 10.4 kl 1930, 11.4 kl 18, 14.4 kl 1930, 15.4 kl 1930, 16.4 kl 1930, 18.4 kl 18, 20.4 kl 1930, 21.4 kl 1930, 24.4 kl 1930, 25.4 kl 18, 28.4 kl 12, 30.4 kl 1930, 2.5 kl 18, 4.5 kl 1930, 5.5 kl 1930, 6.5 kl 1930, 18.5 kl 1930, 21.5 kl 1930, 22.5 kl 18